Lifi reykingabann á skemmtistöðum!

Þvílíkur munur að fara út að djamma núna og þurfa ekki að setja öll föt í þvottavélina og fara sjálf í sturtu áður en maður fer í rúmið!

Mikil ánægja með reykbann

Hamingjuóskir með daginn

Til hamingju með fallegan dag allir hommar og lesbíur landsins og allir aðrir sem hafa mannréttindi að leiðarljósi!

 

„Stærsta gangan til þessa“

Skemmtileg hátíð

Þetta er án efa skemmtilegasta hátíð ársins og bara gaman hversu margir gagnkynhneigðir mæta til að styðja okkur. Áfram Gay Pride!

Hinsegin dagar haldnir í ellefta sinn

Málning til góðs

Gott hjá honum! Myndi skvetta allskonar litum af málningu sjálf ef ég vissi hvar þessir kúkalabbar eiga heima!

Sást skvetta málningu á húsið

Viðbjóður er þetta

Djöfull er þetta mikill viðbjóður. Af hverju er maðurinn einfaldlega ekki tekinn af lífi og þar með sparað fangelsispláss og matur fyrir einn? Þýðir eitthvað að leyfa svona ógeði að lifa?

Raðnauðgari fær 247 ár

Ræfilstuskurnar

Æ greyin! Mikið er illa farið með þau, vesalings hjónin! Við skulum endilega taka höndum saman og gefa 10% af okkar auði og gífurlaunum til þessa fólks sem á svona bágt....

Í alvöru...er þetta fréttnæmt?

Lilja og Baltasar fá ekki landspildu

Læknamistök eru afdrifarík...

Vá, þetta er agalegt! Sorglegt þegar læknaliðið gerir svona afdrifarík mistök en það stakk mig að sjóðurinn sem rekur sjúkrahúsið bað foreldrana afsökunar! Mitt mat er að þeir hefðu átt að fá skaðabætur því þó aldrei sé hægt að bæta fyrir dauða barns, eru skaðabætur mun áþreifanlegri en afsökunarbeiðni....

Mér er minnisstætt þegar ég sat með ársgamalt barnið mitt sem var með 40,5 og slæma barkabólgu og í rauninni átti erfitt með andardrátt. Þetta var um jólin og ég hringdi um kvöldið á Læknavaktina og fékk það svar að ég skyldi hringja aftur þegar hitinn væri kominn upp í 41,5! Skemmst er frá því að segja að ég fór bara niður á bráðavakt með hana og þar var hún sett í súrefnistjald og gefnir sterar. Ég ætlaði ekki að bíða eftir að hitinn hækkaði í nánast dauðamörk! Það skal tekið fram að ég stílaði hana stanslaust en samt hækkaði hitinn. Hef sjaldan orðið jafn skelkuð eins og þessa nótt þegar ég vakti með hana og fékk dræmar undirtektir hjá Læknavaktinni.

Drengur lést úr hlaupabólu

Skemmtileg frétt

Skemmtilegt fólk. Stundum finnst mér að meira mætti vera af svona fréttum heldur en hinum um Icesave.....þetta er sko fólk með húmor!

Með soninn í „kerru“

Oj....er ekki í lagi?

Oj, hvað er að fólki? Hvernig getur einhver haft hugsanlega gaman af kóngulóm? Eða snákum? Það er ekki eins og manni þyki sjálfkrafa vænt um þessi dýr eins og ketti eða hunda til dæmis....

Meira að segja er hægt að hafa gaman af fiskum í búri þó maður knúsi þá nú ekki beint en ef ég vissi af risakónguló í íbúð í mínum stigagangi myndi ég aldrei vera heima....

Ruglað lið....

Dýrin mín stór og smá

Nauðgarar eiga bara eitt skilið!

Ég hef persónulega alltaf verið á þeirri skoðun að menn sem nauðga hætti því aldrei og því best að fangelsa þá til eilífðar eða hreinlega taka af lífi. Nauðgun er sálarmorð og menn ættu helst að gjalda fyrir það með lífi sínu. Það þyrfti stórt alheimsátak til að koma siðferðisvitund inn í þessa suðurafrísku karla en kannski ættum við að byrja hér heima. Það er næstum því fyrirgefið af dómstólum þessa lands ef menn nauðga og meira að segja hafa menn verið sýknaðir af misnotkun barna á fyrningargrundvelli. Mér býður við svona lögum.

Kannski við mættum læra af því þegar kirkjan loks gafst upp og bað konurnar sem Ólafur Skúlason fyrrverandi biskup beitti kynferðisofbeldi, afsökunar. Þeim hefði ekki verið stætt á öðru held ég....

Tek ofan fyrir Sigrúnu Pálínu sem tók málið upp að nýju og vakti athygli á þeim viðbjóð sem viðgengist hefur of lengi að prestar og kirkjunnar menn beiti sóknarbörn sín kynferðisofbeldi. Ég á reyndar ekki orð yfir að Selfosspresturinn hafi verið sýknaður af sinni kæru því varla fara fermingarstúlkurnar að búa þetta mál til. Það er ekki svo auðvelt að kæra að konur nenni að standa í því og vera kannski ekki trúað, því miður....

En tökum Suðurafríska karla sem nauðga og sjá ekki eftir því , af lífi og hlífum þeim ekki!

Fjórðungur hefur gerst sekur um nauðgun